LIGJET E BIZNESIT
Pas ekzekutimit të Jurgen Kurtit, policia ka shpallur në kërkim djalin e tregtarit të vrarë në prill të 2017, Dervis Arapin.
Edhe pse ky i fundit rezulton në sistemin TIMS se nuk ndodhet në Shqipëri që prej Janarit, prap është shpallur në kërkim.
Por cila është arsyeja?
Policia ka referuar vrasjen në prokurori për gjakmarrje. Ndërsa, grupi hetimor ka dyshime se Dervis Arapi, mund të ketë dijeni për ngjarjen.
Për këtë arsye është bërë shpallja në kërkim policor e 33- vjeçarit dhe kërkohet që të vijë në Shqipëri, duhet të paraqitet në Polici për të dhënë shpjegime.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga hetimet e kryera deri tani nga ana e oficerëve të Krimeve të Rënda, dyshohet se Jurgen Kurti mund të jetë ekzekutuar nga persona që janë paguar për ta vrarë.
Kjo ka shtuar edhe më shumë dyshimet se porosinë për vrasjen e tij mund ta kenë dhënë edhe pjesëtarë të familjes së Agim Arapit, ndaj edhe kërkohet dëshmia e të birit.
Policia ka shoqëruar disa të afërm të Arapit, fillimisht si të dyshuar, por pasi janë marrë në pyetje, janë lënë sërish të lirë. Nga ana tjetër, burime nga grupi hetimor po verifikojnë edhe ndonjë konflikt të kohëve të fundit, ku mund të jetë përfshirë viktima. Për këtë arsye është sekuestruar dhe po verifikohet telefoni i 26-vjeçarit Kurti, që mund të shërbejë për hetimin.
