Ç’po ndodh te kryeministria? ‘Blindohet’ godina, rrethohet me policë të armatosur gjer ‘në dhëmbë’

Akti i shembjes së godinës së Teatrit Kombëtar sot në orët e para të mëngjesit, teksa vendi ndodhet i izoluar për shkak të pandemisë dhe qytetarët nuk mund të dalin, ka shkaktuar një revoltë në mbarë opinionin publik.

Qindra qytetarë kanë dalë në shenjë proteste kundër këtij veprimi të qeverisë dhe Bashkisë Tiranë, duke u përballur dhe me dhunën barbare të policisë.

Por nga ana tjetër, kreu i qeverisë Edi Rama ka dhënë urdhër që godina e kryeministrisë të rrethohet nga policë të armatosur rëndë.

Ende nuk dihet se përse kryeministri e ka marrë këtë vendim, ose nëse është në dijeni të ndonjë proteste të mundshme që mund të ndodhë aty në vazhdim.