Sot me shembjen e Teatrit Kombëtar edhe një pjesë e madhe kauzës opozitare ka marrë një goditje shumë të fortë.
Por edhe pse sot që në orët e para të mëngjesit ende pa dalë mirë dielli, kryeministri Rama urdhroi shembjen e asaj godine historike, ai nuk ka qenë gjithmonë kaq armik me teatrin.
Në vitin 2010, kur Rama ishte lider i opozitës, ishte një mbrojtës i flakë i kulturës dhe trashgimisë kulturore.
Shembjen e Piramidës që u përfol në vitin atë kohë, Rama e krahasonte atë kohë, dëmin që po i bëhej kulturës, njejtë me atë që bënin talebanët në Afganistan.
Si për ironi të fatit të njëjtën akuzë po ia bëjnë po atij vetë mbrojtësit e teatrit dhe protestuesit që ishin në shesh për 2 vite e gjysmë.
“…e them në cilësinë e Kryetarit të Bashkisë, por edhe në cilësinë e njeriut të artit dhe të kulturës, që nuk e pranoj dot talebanizmin në raport me objektet, sepse i çfarëdo kohe qoftë dhe me çfarëdo arsye u motivoftë është talebanizëm. Taleban ishte Enver Hoxha dhe regjimi i tij që i hynë me dinamit dhe hodhën në erë 2400 e kusur kisha e kapela romane, që dogjën 300 e kusur mijë vepra arti fetarë dhe libra fetarë. Talebane është edhe e kundërt. Pra të bësh atë që bënte Enver Hoxha me trashëgiminë kulturore dhe historike të këtij vendi. Ju siguroj që këtë nuk do ta bënte asnjë vend europian, siç nuk e kanë bërë. Nuk e bënë gjermanët megjithëse angazhuan konkursin më spektakolar ndërkombëtar për Bundestagun dhe arkitektin më në zë të momentit, Norman Fosterin, nuk e bënë që ta shembnin Rajhstagun e vjetër dhe në vend të tij të ndërtonin diçka tjetër”, thoshte Rama në vitin 2010.
