Ditën e sotme, u bë publik lajmi shqetësues për rritjen e personave të infektuar ndaj koronavirusit në dy qytete, Durrës dhe Berat. Ndërkohë, Tirana vijon të mbetet zonë e kuqe dhe se ende nuk ka shenja që situata të normalizohet, ndonëse masat janë lehtësuar.
Në redaksinë e Fast News Albania, kanë mbërritur pamje ku rrjeti i supermarketeve për kujdesin personal, kozmetikë të shumëanshme Rossmann & Lala, ka bërë inagurimin e hapjes së supermarketit të ri pranë zonës së “9 katsheve”.
“Përshëndetje stafi i Fast News, shikoni si është bëhet inagurimi i dyqanit ktu te 9 katshet. Nuk ka asnjë distancim por edhe tani nuk është koha e duhur për të bërë inagurime dyqanesh, si në ditë normale”, shkruan qytetari për Fast News Albania.
Në pamjet e mëposhtme, shihen qartë njerëz që janë grumbulluar duke ditur që kryeqyteti është ende një zonë e kuqe por edhe grumbullimet e njerëzve akoma nuk lejohen pasi është rrezik për shkak të pandemisë.
