LIGJET E BIZNESIT
Kryetari i opozitës, Lulzim Basha nuk do të jetë sot i pranishëm në protestën, që do të zhvillohet përpara Parlamentit. Ai ndodhet në Bruksel, ku po merr pjesë në një takim të Partive Popullore Europiane.
Mësohet se Basha do të qëndrojë në Belgjikë deri të enjten. Kjo do të thotë se nuk do paraqitet në Prokurorinë e Tiranës, ku ai është thirrur si person në cilësinë e deklaruesit lidhur me hetimet e hapura pas mbërritjes së letërporosive nga Skocia dhe SHBA mbi dosjen e lobimit, nga ku dyshohet PD ka paguar 525.000 dollarë, ndërsa kompania “Biniatta Trade” 150.000 dollarë.
Ndërkaq burime nga Partia Demokratike bëjnë me dije se protesta e sotme e opozitës para Parlamentit do të drejtohet nga Sekretari i Përgjithshëm i PD-së, Gazmend Bardhi.
Jashtë vendit ndodhet edhe kryeministri Edi Rama, por agjenda e tij po mbahet sekret.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
