LIGJET E BIZNESIT
Ka ardhur reagimi i parë i qeverisë për atë që po ndodh me fermerët në Lushnje, të cilët kanë derdhur në rrugë qumështin në formë proteste për ndryshimin e skemës së TVSH-së.
I ftuar në A2 Business Week të Aurora Sulçes në A2 CNN, ministri për Mbrojtjen e Sipërmarjes, Eduart Shalsi deklaron se skema që u ndërmorr me qëllimin për të ndihmuar fermerët paraqet rreziqe dhe duhet rishikuar.
“Jemi të gjithë të shqetësuar. U nisem nga një premisë 20%, ndërkohë që duke analizuar skemën pamë që përfituesit nuk ishin fermerët, dhe besoj se duhet përmirësuar skema, sepse aktualja mund të paraqesë disa rreziqe. Mendoj se mund të ishte konsultuar edhe më shumë dhe debatuar më mirë”, u shpreh Shalsi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
I ftuar në emision, Nikolin Jaka, kryetar i Dhomës së Tregtisë dhe Industrisë së Tiranës vlerëson angazhimin e Shalsit, por mendon se bizneset duhet të dialogojnë në mënyrë direkte me Ministritë e linjës, si ajo e Financave, që me iniciativa si ligji për fermerët, ajo për plastikën si dhe tarifa 3% për industrinë e ndërtimit (“është 70% e fitimit”, sipas Jakës), po rrezikon shembjen e bazave të ekonomisë në vend.
