Protesta sot/ Opozita me plan. Ja si do të rrethohet Parlamenti

Opozita do të ketë një plan në protestën që pritet të zhvillohet sot në ora 9.30 para Parlamentit. Mësohet se ndryshe nga protestat e mëparshme, kur është bllokuar vetëm hyrja kryesore e godinës, ditën e sotme protestuesit do të shpërndahen në të gjitha rrugët që të çojnë në brendësi të Parlamentit.

Partia Demokratike ka shpërndarë edhe një hartë për mënyrën sesi do të veprohet. Ashtu siç duket edhe nga figura, opozita dhe mbështetësit e saj do të përqëndrohen tek hyrja kryesore, hyrja nga qendra tregtare Toptani, hyrja nga ish-selia e Partisë Demokratike, hyrja nga rruga tek Bashkia, hyrja nga Pedonalja dhe hyrja nga unaza, pranë PD.

Gjatë protestës së sotme pritet të ketë forca të shtuara policie, siç ka ndodhur edhe në protestat e mëparshme.