Djegia e mandateve nga opozita ka lënë shumë vende bosh në Parlament, të cilat kandidatët nuk nguruan t’i pranonin.
Komisioni Qendror i Zgjedhjeve vendosi t’i kalojë mandatet tre deputetëve të LSI, Ralf Gjonit, Nimet Musait në Fier dhe Enada Koçiraj në Vlorë.
Betimi i tyre do të bëhet në seancën e kësaj të enjteje në Parlament. Në total, numri i ligjvënësve shkon në 96, 11 prej të cilëve opozitarë të rinj vetëm nga LSI.
Ndërkohë, sipas burimeve pritet që kandidatë të tjerë t’i bashkohen “tradhëtarëve” të opozitës.
