Basha akuzon ashpër Ramën: Je përgjegjës direkt për dhunën barbare ndaj qytetarëve

Kryetari i PD, Lulzim Basha ka reaguar shumë ashpër pas dhunës së policisë ndaj protestuesve në sheshin Skënderbej.

Basha e cilëson atë si një teknikë që bashkë me manovrën për teatrin po tregon fytyrën e vërtetë të këtij regjimi.

Për kryedemokratin përgjegjësia direkte për atë që po ndodh është vetëm e Ramës dhe se ai duhet të jap llogari.

Reagimi i Bashës:

Ky regjim po përdor edhe pandeminë për grabitjen e Teatrit Kombëtar dhe projektin e pastrimit të parave të krimit. Kalimi i TK në pronësi të kryebetonierit të mafias dhe dhuna fashiste ndaj protestuesve paqësorë është akt lufte i Ramës ndaj artit dhe qytetarëve shqiptarë. Pasi i vjedh përditë dhe i gënjen me premtime boshe, Rama përdor dhunë fashiste kundër qytetarëve edhe sot në #EuropeDay. Kjo dhunë barbare është përgjegjësi direkte e Ramës. Babëzia për të zhvatur TK është vepra e tij.