Menjëherë pas deklaratës së sotme nga ana e kryeministrit Edi Rama, ku u kërkonte falje qytetarëve shqiptarë të cilët komentojnë në adresat e tij, duke u shprehur se edhe mund ti ketë ofenduar gjatë replikave, por nuk ka qenë ky qëllimi i tij.
Kreu i qeverisë akuzoi dhe militantët e PD që komentojnë me profile false.
Menjëherë pas këtyre fjalëve ka ardhur dhe reagimi i fortë i Edi Palokës, i cili shprehet se është Rama ai që shquhet për profilet false, si një mënyrë për të mbajtur në këmbë propagandën e tij.
Paloka e cilëson Ramën si një frikacak, si dhe të çekuilibruar që nuk di se çfarë bën.
REAGIMI I PLOTE I EDI PALOKES
Në mëngjes në facebook, në drekë në facebook, në darkë në facebook. Udhëheq ushtrinë e profileve fallco që paguan me paratë e shqiptarëve për t’i kundërvënë ndaj kujtdo që nuk ështe dakord me Edi Ramën. Në mëngjes i shan njerëzit me “libër shpie”, në darkë u kërkon ndjesë. Dhe e nis çdo ditë nga e para sipas shprehjes që i shkon më shumë “ujku qimen e ndërron, por zakonin s’e harron”. Në fakt, nuk është vetëm një i ç’ekuilibruar, që nuk e di ç’bën. Është një frikacak që fshihet pas facebookut, pasi nuk ka këllqe të dalë në debat të vërtëtë as me qytetarët, as me kundërshtarët politikë.
