Sipas të dhënave zyrtare ditën e sotme në dy spitalet COVID në Shqipëri janë të shtruar gjithsej 33 pacientë.
Prej tyre bëhet me dije se janë dhe 3 ushtarë shqiptarë të KFORIT.
Ky fakt u konfirmua nga Ministria e Shëndetësisë, në komunikimin zyrtar që bëri shefja e Epidemiologjisë në ISHP Eugena Tomini.
“Në shërbimin infektiv aktualisht janë 27 të shtruar. 6 pacientë janë në terapi intensive. Në totalin e të shtruarve në spitalin infektiv, ndodhen edhe 3 raste të importuara COVID19, ushtarë shqiptarë të KFOR të ardhur nga Kosova”, bëri me dije ajo në deklaratën e përditshme që tashmë jep prej kohësh.
Mësohet se aktualisht në spitalin COVID 2 “Shefqet Ndroqi”, janë 6 pacientë të shtruar dhe 2 pacientë janë në terapi intensive në gjendje më të rënduar.
Deri tani 30 qytetarë e kanë humbur betejën me këtë sëmundje, megjithë përpjekjet e stafit mjekësor.
