LIGJET E BIZNESIT
Katër librave shkencorë të Prof. Dr. Imer Zenkut, me moton “Nga teoria drejt praktikës në ekonominë e energjisë” janë promovuar në Maqedoninë e Veriut. Një aktivitet që mblodhi bashkë akademikë, studiues, profesionistë të fushës dhe politikëbërës, duke u shndërruar në një hapësirë me interes të lartë diskutimi mbi sfidat dhe të ardhmen e energjisë.
Pjesë e këtij eveti ishte edhe Dr. Romina Radonshiqi, në cilësinë e recensueses së një prej veprave të Prof. Dr. Zenkut. Në fjalën e saj, Dr. Romina Radonshiqi theksoi rëndësinë e veçantë të këtij kontributi shkencor për vendimmarrjen politike. Ajo nëvizoi se politikëbërësit duhet të mbështeten mbi studime të tilla për hartimin e politikave energjetike, me fokus të veçantë te diversifikimi i burimeve energjetike dhe ulja e varësisë nga importet.
Sipas Dr. Radonshiqit, këto katër libra shekncor shërbejnë si një udhërrëfyes praktik për krijimin e një strategjie të qëndrueshme zhvillimi për sektorin energjetik, jo vetëm për Maqedoninë e Veriut, por për të gjithë rajonin e Ballkanit Perëndimor. Në fund, ajo apeloi që kontributi akademik dhe profesional të merret parasysh si bazë orientuese për reformat ekonomike e energjetike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
