Qeveria sjell Kodin e ri Penal, të gjtha ndryshimet nga ndërshkimi i korrupsionit tek ulja e denimit për bashkëpunëtorët e drejtësisë

Qeveria ka hedhur për konsultim Kodin Penal, një draft që ka pësuar ndryshime në kuadër të procesit të integrimit në Bashkimin Europian. Në relacionin shoqërues të projektligjit theksohet se vendi ynë ka detyrimin të transpozojë acquis të BE-së që lidhet me mbrojtjen e interesave financiare të Bashkimit Evropian, përfshirë kontrollin e brendshëm financiar publik, si dhe parandalimin, zbulimin dhe ndëshkimin e mashtrimit dhe korrupsionit që prekin fondet e BE-së, duke garantuar gjithashtu bashkëpunimin me strukturat përkatëse evropiane kundër mashtrimit. Në këtë kontekst, akti përkatës i Bashkimit Evropian duhet të transpozohet në Kodin Penal.

Paralelisht, projektligji parashikon edhe ndryshime në kuadrin e përjashtimit ose uljes së dënimit për bashkëpunëtorët e drejtësisë, duke përfshirë bashkëpunimin me anëtarë të strukturave të krimit të organizuar, në të gjitha format e posaçme të bashkëpunimit të parashikuara në Kodin Penal, si grupi i strukturuar kriminal, organizata kriminale, banda e armatosur dhe organizata terroriste, me qëllim identifikimin e bashkëpunëtorëve, strukturës hierarkike, pasurive dhe aktivitetit të tyre kriminal.

https://www.konsultimipublik.gov.al/documents/RENJK_992_Projektligji-mbi-ndryshimet-ne-Kodin-Penal.docx

https://www.konsultimipublik.gov.al/documents/RENJK_992_Relacion-ndryshimet-ne-Kodin-Penal.docx

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern