Qershori “rrëzon” euron, monedha europianë prek minimumin e ri historik

Euro ka prekur një minimum të ri historik në tregun tonë të këmbimit. Sipas kursit zyrtar të Bankës së Shqipërisë, monedha e përbashkët europiane ka zbritur në 95.2 lekë, niveli më i ulët i regjistruar ndonjëherë. Që nga fillimi i vitit, euro është zhvlerësuar me 1.5%.

Rënia e euros në këtë periudhë është e pritshme, për shkak të turistëve të huaj dhe emigrantëve që kthehen në atdhe për pushime. Ata sjellin me vete euro dhe kjo rrit sasinë e valutës në qarkullim, duke ushtruar presion për uljen e vlerës së saj.

Nga ana tjetër, Banka e Shqipërisë ka ndërhyrë vazhdimisht në treg, duke blerë valutë, në përpjekje për të frenuar rënien e euros. Por pavarësisht sasive të tërhequra, tendenca rënëse nuk është ndalur.