LIGJET E BIZNESIT
Tregu i pasurive të patundshme po shënon dinamika të reja. Teksa çmimet vijojnë të rriten, veçanërisht në kryeqytet dhe zonat bregdetare, rezulton se numri i pronave për shitje ka shënuar rënie. Banka e Shqipërisë ka publikuar raportin “Mbi ecurinë e tregut të pasurive të patundshme” në 6-mujorin e dytë të vitit 2025, ku konstaton se agjentët presin rritje të çmimeve dhe numër më të ulët pronash të regjistruara për shitje.
“Agjentët janë optimistë për ecurinë e tregut të pasurive të paluajtshme në territorin ku ata veprojnë, për të ardhmen afatshkurtër dhe afatgjatë (deri në dy vjet). Po ashtu, ata shprehen optimistë për të ardhmen e këtij tregu në të gjithë territorin e vendit”, theksohet në raport.
Sipas të dhënave të Bankës Qendrore, numri total i pronave të shitura sipas raportimit të subjekteve ishte 1,273. Kjo vlerë ishte dukshëm nën vlerën prej 1,960 pronash të shitura gjatë gjashtëmujorit të parë të vitit 2025 dhe numri mesatar i pronave të shitura për subjekt ka rënë në 8 nga 11
Rreth 61 % e pronave për banim dhe e atyre për përdorim tregtar të shitura prej agjentëve janë blerë me hua bankare. Nga këto, në 38% të rasteve, kredia ka mbuluar deri në 60% të vlerës.
Rreth 25% e banesave të shitura janë raportuar të blera nga shtetas jorezidentë. Nga këta, rreth gjysma ishin shtetas të vendeve të BE-së.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Raporti evidenton se koha mesatare e shitjes së banesave në rang vendi u ul në 9.1 muaj nga 11.6 muaj në vrojtimin e mëparshëm. Në rastin e Tiranës, koha mesatare e shitjes u ul ndjeshëm në 8.1 nga 11.1 muaj. Koha mesatare për shitjet në zonat bregdetare u rrit në 9.9 nga 8.7 muaj, ndërsa për zonat e tjera, kohë zgjatja e shitjes ishte më e ulët sesa në gjashtëmujorin e kaluar, duke rënë në 10.1 nga 12.8 muaj.
