10,881 tatimpagues kanë përfituar nga fshirja/shuarja automatike e 4.8 mln euro detyrimeve

Administrata Tatimore ka njoftuar se vijon procesi i faljes pa kusht të detyrimeve tatimore të papaguara, në zbatim të Ligjit për Faljen e Detyrimeve Tatimore.

Sipas të dhënave zyrtare, 10,881 tatimpagues kanë përfituar deri tani nga fshirja automatike e detyrimeve tatimore të papaguara, me një vlerë totale prej rreth 4.8 milionë eurosh. Paralelisht, 6,475 tatimpagues janë çregjistruar automatikisht, në përputhje me përcaktimet e ligjit.

Administrata Tatimore rikujton se 30 qershori 2026 është afati i fundit për përfitimin nga një tjetër lehtësi e parashikuar në këtë skemë. Tatimpaguesit që kanë detyrime për periudhën 1 janar 2015 – 31 dhjetor 2019 mund të përfitojnë nga falja e një pjese të konsiderueshme të tyre.

Konkretisht, duke paguar me një këst të vetëm 50% të detyrimit kryesor (principalit) brenda afatit, përfitohet fshirja e 50% të mbetur të principalit, si dhe falja e plotë e gjobave dhe kamatëvonesave.

Administrata Tatimore u bën thirrje të gjithë tatimpaguesve që plotësojnë kushtet e ligjit të mos e lënë procesin për ditët e fundit dhe të përfitojnë nga lehtësitë e ofruara brenda afatit ligj.or