LIGJET E BIZNESIT
Ministri i Shtetit për Pushtetin Vendor, Ervin Demo, pas mbledhjes së Këshillit të Ministrave, prezantoi programin e ri kombëtar “Rilindja 2.0”, një program i integruar për ndërhyrjet në territor dhe zhvillimin e qëndrueshëm rajonal, që synon ndërtimin e një modeli të ri zhvillimi për bashkitë shqiptare.
Programi mbështetet në 11 shtylla programore, që përfshijnë forcimin e identitetit lokal përmes muzeve, menaxhimin modern të parkimit, rigjenerimin e ish-hapësirave industriale, përmirësimin e arkitekturës së infrastrukturës publike, nxitjen e startup-eve dhe inovacionit në territor, mbulimin më të plotë me shërbime mjedisore, transportin publik me autobusë elektrikë, hapësirat sportive e rekreative, përmirësimin e ujësjellës-kanalizimeve, forcimin e kapaciteteve logjistike të bashkive dhe zhvillimin e qyteteve inteligjente.
Në thelb, “Rilindja 2.0” synon t’i kthejë bashkitë në komunitete më funksionale, më të jetueshme, më të pastra, më të aksesueshme dhe më të përafruara me standardet europiane, duke lidhur investimet publike me identitetin lokal, ekonominë, turizmin, shërbimet dhe cilësinë e jetës së qytetarëve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
