LIGJET E BIZNESIT
“Mikrofinanca në tranzicion: A është misioni në rrezik?”. Ishte kjo tema që u diskutua në Konferencën Vjetore e 28-të e Qendrës së MikrofinancësN ë këtë konferencë morën pjesë përfaqësues të institucioneve financiare, organizatave ndërkombëtare, rregullatorëve, shoqatave të sektorit nga rajoni, si dhe investitorë dhe ekspertë të mikrofinancës nga Evropa dhe rajoni.
Zëvendësguvernatorja e Dytë e Bankës së Shqipërisë, zj. Natasha Ahmetaj, ishte e ftuar si folëse kryesore në hapjen e aktivitetit që trajtoi rolin e mikrofinancës në zhvillimin ekonomik dhe social, si dhe sfidat me të cilat përballet ky sektor, në një mjedis financiar dhe teknologjik në transformim.
Në fjalën e saj, Zëvendësguvernatorja Ahmetaj vlerësoi kontributin e rëndësishëm të sektorit të mikrofinancës në zgjerimin e përfshirjes financiare, mbështetjen e sipërmarrjeve të vogla, veçanërisht të atyre nga shtresa dhe zona me akses më të kufizuar në shërbimet tradicionale bankare. “Misioni primar i mikrofinancës është të jetë një alternativë e përballueshme dhe një mbështetje sociale për shtresat që kanë më tepër nevojë për një derë të hapur në sektorin financiar. Përtej dimensionit financiar, mikrofinanca duhet të kontribuojë në krijimin e mundësive për zhvillim, punësim dhe përfshirje ekonomike, duke ruajtur gjithmonë balancën mes objektivave tregtarë dhe përgjegjësisë sociale.” – u shpreh ajo.
Duke folur për zhvillimet në Shqipëri, Zëvendësguvernatorja theksoi se Banka e Shqipërisë ka ndërmarrë gjatë viteve të fundit një sërë masash rregullatore dhe mbikëqyrëse për forcimin e transparencës, mbrojtjen e konsumatorit dhe përmirësimin e cilësisë së kreditimit në sektorin jobankar dhe të mikrofinancës. Në këtë kuadër, ajo përmendi ndryshimet rregullatore të ndërmarra për forcimin e administrimit të rrezikut dhe transparencës ndaj klientit.
Zëvendësguvernatorja Ahmetaj theksoi se reputacioni dhe besimi publik mbeten elemente thelbësore për qëndrueshmërinë e industrisë së mikrofinancës. Ajo nënvizoi se, përtej kuadrit rregullator dhe zhvillimeve teknologjike, misioni kryesor i mikrofinancës duhet të mbetet ofrimi i një alternative të përballueshme dhe të përgjegjshme financiare për shtresat më në nevojë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në përfundim, ajo vlerësoi rolin e Shoqatës Mikrofinanca Shqiptare si një partner i rëndësishëm në modernizimin e sektorit, forcimin e dialogut profesional dhe mbështetjen e reformave rregullatore, duke shprehur besimin se industria do të vijojë të zhvillohet mbi baza më të forta transparence, profesionalizmi dhe përgjegjshmërie sociale.
