LIGJET E BIZNESIT
Ministria e Financave parashikon që brenda 4-5 viteve të ardhshme të bëjë shlyerjen e plotë të kompensimit financiar të 6 mijë dosjeve të ish të përndjekurve politikë, nga 10.360 që janë në total. Lajmin e mirë e ka bërë të ditur kreu i këtij dikasteri, petrit malaj. Ministri shpjegoi se janë bërë disa ndryshime në kompensimin financiar të kësaj kategroie, të cilat janë miratuar nga qeveria në mbledhjen e të mërkurës.
“Ndryshimet e propozuara nga Ministria e Financave, së pari konsistojnë në heqjen e dëmshpërblimit të kësteve, pra të kësteve në tetë këste të barabarta. Nga ana tjetër, kemi marrë vendimin që për të gjitha ato pagesa të cilat janë në vlerë deri në 1 milion lekë, do të bëhet pagesa me këstin e radhës.
Nëpërmjet këtyre ndryshimeve të propozuara, Ministria e Financave parashikon që brenda katër apo pesë viteve do bëjmë shlyerjen e plotë të 6 mijë dosjeve, nga 10.360 që janë në total.
Gjithashtu, këto ndryshime kanë edhe disa avantazhe të tjera:
E para lidhet me pjesën e procesimit të pagesës. Do të ketë një procesim më të shpejtë të pagesave.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në qoftë se sot kemi një procesim pagesash nga kësti në këst, i cili varion nga 3.5 deri në 4 vite, me ndryshimet e propozuara nga Ministria e Financave, koha e pagesave ndërmjet kësteve do të shkurtohet nga 2 deri në 2.5 vite.
Gjithashtu, këto ndryshime do të sjellin edhe nevojën për të shtuar fondin për dëmshpërblim ndaj ish-të përndjekurve politikë, që për vitin 2026 është në masën 1.5 miliardë lekë apo 15 milionë euro.
Pra, ndryshimet e propozuara jo vetëm do të rrisin efiçencën e pagesave për ish-të përndjekurit politikë, por nga ana tjetër do të përmbushin edhe një detyrim moral që kemi ndaj kësaj kategorie, si dhe familjarëve të tyre, deklaroi ministri i Financave, Petrit Malaj.
