“Dyfisho ndërmarrjen tënde”, ministri i Bujqësisë: Programi nxit aktivitetin e bimëve mjekësore

Ministri i Bujqësisë dhe Zhvillimit Rural, Andis Salla në vizitën e tij në një biznes të bimëve mjekësore dhe aromatike, ka vlerësuar sipërmarrarje të tilla në këtë sektor që zhvillojnë ekonomimë lokale dhe nxisin punësimin.

Ai u ndal edhe te skemat mbështetëse të qeverisë për fermerët dhe sipërmarrjet e vogla, duke theksuar programin “Dyfisho ndërmarrjen tënde”, si një instrument konkret në ndihmë të rritjes së biznesit.

Bimë si sherbela, dëllenja etj, grumbullohen dhe përpunohen sipas standardeve bashkëkohore dhe eksportohen drejt tregjeve të Europës dhe Shteteve të Bashkuara të Amerikës, duke krijuar vlerë të shtuar për ekonominë.

Ministri Salla theksoi se modele të tilla të organizimit të zinxhirit të prodhimit janë thelbësore për rritjen e konkurrueshmërisë së produkteve shqiptare.