LIGJET E BIZNESIT
Shqiptarët po paguajnë më shumë taksa për mjedisin, por kjo nuk po përkthehet në më shumë pastërti për ta. Të dhënat e fundit të Institutit të Statistikave tregojnë se në vitin 2024, të ardhurat nga taksat mjedisore arritën në rreth 66.2 miliardë lekë, duke shënuar një rritje prej 9.45 % krahasuar me vitin 2023. Statistikat e detajuara tregojnë se struktura e të ardhurave nga taksat mjedisore dominohet nga taksat e energjisë, të cilat përbëjnë 82,2 % të totalit. Taksat e transportit përfaqësojnë 13 %, ndërsa taksat e ndotjes zënë 4,7 %.
Taksat mbi burimet natyrore kanë një peshë shumë të ulët në total, me vetëm 0,08 %. Gjatë vitit 2024, të ardhurat nga taksat e energjisë kanë shënuar rritje prej 8,95 %, të ardhurat nga taksat transportit u rriten me 10,53 %. Gjatë të njëjtës periudhë, të ardhurat nga taksat e ndotjes kanë shënuar një rritje me 16,30 %, ndërsa të ardhurat nga taksat e burimeve natyrore kanë pësuar rënie prej 18,77 %.
Në vitin 2024, pesha e të ardhurave nga taksat mjedisore ndaj Prodhimit të Brendshëm Bruto (PBB) arriti në 2,63 %, duke shënuar një rritje prej 0,08 pikë përqindje krahasuar me vitin 2023. Të ardhurat nga taksat mjedisore përbënin 10,04 % të totalit të të ardhurave tatimore dhe kontributeve shoqërore në vitin 2024, duke shënuar një rënie prej 0,3 pikë përqindje krahasuar me vitin 2023.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
