Liria e internetit në botë, ku qëndron Shqipëria? Renditemi mbi mesataren globale, Korea e Veriut mbetet në fund të listës

“Internet freedom” (liria e internetit) i referohet shkallës së lirë dhe të pakufizuar me të cilën njerëzit mund të përdorin internetin për të kërkuar informacion, për të komunikuar dhe për të shprehur mendimet e tyre pa censurë ose kontroll të tepruar nga qeveritë apo institucione të tjera. Ajo përfshin akses të hapur në faqe dhe platforma online, mbrojtjen e privatësisë së përdoruesve, dhe mungesën e bllokimeve apo filtrimeve të padrejta të përmbajtjes.

Mirëpo si renditet Shqipëria në këtë aspekt? Sipas të dhënave nga Cloudwords, Shqipëria renditet në vendin e 76-të në këtë aspekt, ku liria e lundrimit në internet llogaritet në 64%. Duke qenë kështu në një nivel mbi mesataren për lirinë në internet. Në të njëjtin nivel paraqitet edhe Serbia. Ndërkohë, Kosova dhe Mali i Zi paraqiten si shtete ku lundrimi i lirë në internet arrin mbi 80%.

Asnjë vend nuk arrin një rezultat të përsosur, por 11 vende në katër kontinente ndajnë vendin e parë me 92%. Këto vende janë Belgjika, Kosta Rika, Danimarka, Finlanda, Islanda, Lihtenshtajni, Zelanda e Re, Norvegjia, Sllovakia, Surinami dhe Timori Lindor.

Në anën tjetër të spektrit është Koreja e Veriut  ku liria e internetit nuk ekziston(0%) dhe shumë pak qytetarë kanë akses në internetin global. Në vend të kësaj, shumica mbështeten në shërbimin kombëtar të intranetit, Kwangmyong, i cili filtron informacionin e jashtëm.

Menjëherë pas Koresë së Veriut janë Kina dhe Rusia, të cilat barazohen me Iranin dhe Pakistanin për rezultatet më të ulëta në mbarë botën (4%).

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Firewall-i i Madh i Kinës është ndoshta sistemi i censurës më i njohur në botë, i përdorur për të shtypur kritikat ndaj udhëheqësve të vendit ose përmbajtjen që lidhet me tema politikisht të ndjeshme, siç janë protestat në Sheshin Tiananmen. Ai gjithashtu bllokon aksesin në platforma të huaja si Facebook dhe YouTube.

Shtetet e Bashkuara (64%) ndodhen afër mesit të renditjes, së bashku me demokracitë e zhvilluara si Australia, Franca, Gjermania dhe Japonia. Mbretëria e Bashkuar (52%) renditet pak më poshtë, me legjislacionin e kohëve të fundit për përmbajtjen për të rritur që luan një rol./TV Scan