LIGJET E BIZNESIT
Inxhinieri Erion Softa, i ftuar në studion e emisionit “Drejt”, foli për zjarrin që përfshiu një pallat në kryeqytet dhe arsyet pse flakët u përhapën me shpejtësi.
Sipas tij, situata lidhet drejtpërdrejt me mënyrën si është ndërtuar fasada dhe materialet e përdorura në të.
Ai shpjegoi se bëhet fjalë për një fasadë të ventiluar, ku mes shtresave krijohet një hapësirë ajri që zakonisht shërben për izolim termik dhe mbrojtje nga lagështia. Por në këtë rast, kjo hapësirë ka ndikuar në përhapjen e flakëve.
“Fasada ishte e ventiluar dhe materialet ishin të djegshme. Ajo hapësirë ajri brenda ka funksionuar si një oxhak dhe zjarri është përhapur shumë shpejt.”-shtoi Softa.
Sipas inxhinierit, problemi kryesor qëndron tek përdorimi i materialeve të pacertifikuara dhe të papërshtatshme për këtë lloj ndërtimi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ai sqaroi se në lejet e ndërtimit përcaktohet vetëm pamja e jashtme e fasadës, ndërsa përzgjedhja e materialeve lihet në dorë të firmës ndërtuese dhe nënkontraktorëve.
“Materialet kanë qenë të pacertifikuara dhe të papërshtatshme për një objekt të tillë. Kjo është arsyeja pse zjarri u përhap në mënyrë të pakontrolluar.”-tha ai.
Softa shtoi se përgjegjësia bie edhe mbi drejtuesit teknikë dhe inxhinierët që duhet të verifikojnë cilësinë dhe certifikimin e materialeve përpara përdorimit.
Ngjarja, sipas tij, tregon një problem më të gjerë në kontrollin e ndërtimeve, ku mungesa e verifikimeve dhe përdorimi i materialeve jashtë standardeve mund të krijojnë rrezik serioz për banorët./Ora News
