LIGJET E BIZNESIT
Turizmi është sektori ku panorama e zhvillimit nuk është e qartë. Kjo duke pasur parasysh klasifikimin që ne u bëjmë turistëve, ku cdo person që futet në territorin shqiptar konsiderohet i tillë. Përfshi këtu ata që mund të ikin trazit diku tjetër apo edhe emigrantët, që kthehen në atdhe për pushime.
Të dhënat e fundit të Institutit të Statistikave tregojnë se vetëm 1 në 4 turistë që hyri në Shqipëri vitin e kaluar fjeti në një nga hotelet, bujtinat apo apartamentet me qira të vendit. Sipas INSTAT, nga rreth 12.5 milionë vizitorë të huaj, pak më shumë se 3 milionë prej tyre u akomoduan për të paktën një natë,
“Kjo tregon vërtetë situatën dhe siç e kemi thënë më shumë ne jemi vend transit. Kjo mund të vijë edhe si pasojë e shtimit të numrit të strukturave akomoduese që nuk janë të përfshira në sistemin e integruar të turizmit, por gjithsesi mund të themi që shumë pak të huaj flenë në Shqipëri”, deklaroi kryetari i shoqatës së Hoteleri-Turizmit, Zak Topuzi.
Thirrjet e qeverisë, shpesh të shoqëruara me paralajmërime për gjoba po reflektohen pak në shtimin e deklarimeve nga strukturat akomoduese. Në krahasim me vitin 2024-s, të dhënat nga INSTAT tregojnë se numri u akomodimeve u zgjerua me gati 851 mijë apo 38.9 për qind.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Shqipëria ka 107 mijë shterët të regjistruar. Këtu përfshihen kotelet, bujtinat dhe apartamente. Kemi rreth 30 mijë apartamente me rreth 90 mijë shtretër jashtë sistemit. Ndaj kemi këto shifra. Ndoshta do të shohim efekte më pas si pasojë e ndryshimeve të ligjit për turizmin”, theksoi Topuzi.
Të dhënat nga INSTAT tregojnë se vitin e shkuar, pjesa më e madhe e turistëve që fjetën në vend, pak më shumë se 2.7 milionë u akomoduan në hotele. Ndërkohë nga apartamentet me qira ditore pati vetëm 222 mijë e 721 akomodime të raportuara.
“Kjo tregon informalitetin. Shqipëria ka gati 48 për qind të kapaciteteve akomoduese i ka apartamente dhe vila jashtë sistemit tatimor Kjo dëmton sa arkën e shtetit, aq edhe konkurrencës mes subjekteve”, u shpreh Topuzi për median.
Të dhënat nga Ministrisë së Turizmit dhe Mjedisit tregojnë se vetëm apo 1 mijë e 850 apartamente me qira ditore janë të regjistruar te tatimet dhe paguajnë taksat dhe tarifat.
