LIGJET E BIZNESIT
Kryeministri Edi Rama tha sot se gjyqtarët në Shqipëri kanë pagat më të larta në Ballkan dhe të barabarta me një vend të BE-së, sikurse është Greqia.
Gjatë video-mesazhit të zakonshëm në rrjetet sociale kreu i qeverisë tha s’e s’ka ligj dhe kushtetutë që ju jep gjyqtarëve të drejtën të rrisin pagat me 2-3 mijë euro në muaj.
“Ju zotërinj kërkoni 37 milionë euro plus nga buxheti i shtetit për t’i rritur vetes suaj pagat. Kjo është e vërteta që s’e luan topi. Shqiptarët duhet të dinë që ju kërkoni që për gjyqtarin e Shkallës së Parë paga të shkojë nga 3360 euro në 5300 euro, ju kërkoni që për gjyqtarin e Apelit pagat të shkojnë nga 3480 euro që është sot aktualisht në 5500 euro. Ju kërkoni që paga në Gjykatën e Lartë të shkojë 5800 euro”, tha Rama.
“Ajo që e bën edhe më serioze këtë situatë është se pagat tuaja janë paga më të larta, goxha më të larta në rajon, se në Maqedoninë e Veriut, se në Malin e Zi, dhe janë paga të barabarta me gjyqtarët në një vend të BE-së siç është Greqia. Sot që flasim ju i keni pagat sa në Greqi dhe doni t’i rrisni me 2-3 mijë euro në muaj, në emër të çfarë?! Ju thoni në emër të ligjit dhe kushtetutës, kjo është e pavartetë, s’ka ligj dhe kushtetutë që ua jep këtë të drejtë dhe s’është e shkruar asgjëkundi”, u shpreh kreu i qeverisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
