LIGJET E BIZNESIT
Departamenti Amerikan i Shtetit njoftoi të mërkurën se do të pezullojë përpunimin e vizave të emigrimit për shtetasit e 75 vendeve, përfshirë edhe Shqipërinë. Por sa shqiptarë jetojnë dhe punojnë në Shtetet e Bashkuara të Amerikës?
Të dhënat e Anketës së Komunitetit Amerikan për vitin 2023, të përpunuara nga INSTAT në raportin “Diaspora 2025” tregojnë se, shqiptarë të gjeneratës së parë në vitin 2023 janë 94.616, ndërsa gjenerata e dytë është 111.904. Pra, në total janë 206.520 shqiptarë që jetojnë në SHBA. Gjeneratën e parë, nëse e shohim sipas vitit të emigrimit në SHBA vëmë re se, rreth 95 % e tyre kanë emigruar pas viteve 1990.
Në gjeneratën e parë femrat përfaqësojnë 50,7 % të shqipëtarëve të emigruar në SHBA ndërkohë, në gjeneratën e dytë kjo përqindje është 48,2 % (duke sjellë në vëmendje përfshirjen e lindjeve në SHBA).
Gjenerata e dytë ka një moshë mesatare relativisht më të re 31,8 vjeç, krahasuar me gjeneratën e parë e cila ka një moshën mesatare prej 44 vjeç, kjo për shkak se në gjeneratën e dytë, një pjesë të rëndësishme e zënë fëmijët e gjeneratës së parë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shqiptarët në SHBA, janë të përqëndruar në: rreth 54.600 shqiptarë në Neë York, duke përfaqësuar në këtë mënyrë komunitetin më të madh, pasuar nga 26.270 të cilët jetojnë në Michigan, 17.223 në Massachusetts, 16.747 në Florida dhe 14.704 në Illinois.
Nëse do të analizojmë karakteristikat arsimore, 21,8 % e shqiptarëve kanë diplomë gjimnazi, 20,0 % kanë një diplomë Bachelor, ndërsa vetëm 8,4 % e shqiptarëve kanë një diplomë master ose diplomë tjetër profesionale përtej diplomës Bachelor dhe 0,7 % kanë Doktoraturë.
Përsa i përket karakteristikave të tyre ekonomike dhe specifikisht statusit në punësim, të dy gjeneratat kanë norma shumë të larta të punësimit. Shqiptarët e papunë në SHBA në 2023 zënë vetëm 3,3 %, kurse 22,6 % nuk bëjnë pjesë në forcën e punës dhe 20,2 % janë më pak se 16 vjeç.
