Qiratë shtrenjtojnë jetesën, inflacioni rritet në dhjetor ne 2.3%

Nuk ka të ndalur shtrenjtimi i qirave, duke u bërë një ndër faktorët që po shtrenjtojnë jetesën në vend. Instituti i Statistikave konstaton se në dhjetor, inflacioni arriti në 2.3 %, duke shënuar një rritje prej 0.2% kundrejt të njëjtës periudhë të një viti më parë. Qiratë dhe ushqimet janë dy grupet që kanë ndikuar në rritjen e cmimeve në këtë periudhë.

Ndikimi i grupeve kryesore në inflacion

Rritja vjetore e çmimeve në muajin Dhjetor është ndikuar kryesisht nga grupi “Qira, ujë, lëndë djegëse dhe energji” me +0,96 pikë përqindje, pasuar nga grupi “Ushqime dhe pije joalkoolike” me +0,56 pikë përqindje. Gjithashtu, çmimet e grupit “Mobilje, pajisje shtëpie dhe mirëmbajtje e shtëpisë” ndikuan me +0,16 pikë përqindje, çmimet e grupit “Hotele, kafene dhe restorante” me +0,15 pikë përqindje, çmimet e grupit “Pije alkoolike dhe duhan” me +0,11 pikë përqindje, çmimet e grupit “Mallra dhe shërbime të ndryshme” me +0,10 pikë përqindje, çmimet e grupit “Argëtim dhe kulturë” me +0,08 pikë përqindje, çmimet e grupit “Shërbimi arsimor” me +0,06 pikë përqindje, çmimet e grupit “Komunikimi” me +0,03 pikë përqindje, çmimet e grupeve “Veshje dhe këpucë”, “Shëndeti” dhe “Transporti” me +0,02 pikë përqindje secili.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern