LIGJET E BIZNESIT
Që euro nuk konsiderohet më si valuta e fortë, kjo është e qartë tashmë. Prej rreth katër vitesh, monedha e përbashkët europiane është futur në një cikël të fortë rënës, duke u zhvlerësuar me më shumë se 30%. Një rënie që është ndikuar si nga ecuria në tregjet ndërkombëtare dhe faktorët e jashtëm, ashtu edhe nga faktorët e brendshëm.
Sipas kursit të Bankës së Shqipërisë, euro ka zbritur aktualisht në 96.6 lekë, duke humbur 2.1 lekë kundrejt një viti më parë.
Por cilët janë faktorët që po ndikojnë së fundmi ecurinë e euros?
Së pari janë lëvizjet e fuqishme të dollarit amerikan. Një pjesë e rënies së monedhës europiane i faturohet forcimit të dollarit në tregjet ndërkombëtare, që po ndodh si pasojë e politikave në Shtetet e Bashkuara të Amerikës.
Një tjetër faktor vlerësohen tensionet tregtare dhe gjeopolitike, si p.sh kërcënimet e tarifave kundër vendeve evropiane, të cilat ndikojnë në besimin e tregjeve ndaj ekonomisë së Eurozonës, duke dobësuar kërkesën për euro.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rritja e pasigurisë rreth konfliktit Ukrainë–Rusi vazhdon të ndikojë negativisht në euro, për shkak të rrezikut të energjisë dhe karburantit.
Por përvec faktorëve të jashtë, rënia e euros në Shqipëri kushtëzohet edhe nga faktorët e brendshëm, si shtimi i sasisë së valutës në qarkullim, që është rezultat i prurjeve nga emigrantët (remitancat), turistët e huaj, investimet e huaja, por edhe burimeve informale, ku futen paratë nga evazioni fiskal, korrupsioni, por edhe aktivitetet e paligjshme.
