Hyn në fuqi “bonus malus”, ja sa do të paguajmë për siguracionin e makinave

Nga 1 janari ka hyrë në fuqi sistemi “bonus malus” për sigurimin e automjeteve. Ky sistem parashikon që drejtuesit problematikë të mjeteve, të cilët kanë historik negativ me aksidentet, do të paguajnë më shumë për sigurimin e makinës.

Rregullorja e re e cila ka hyrë tashmë në fuqi përmban dhe disa faktorë risku përtej dëmeve që do regjistrohen. Të tilla si fuqia motorike, mosha e shoferit, eksperienca e tij në drejtimin e makinës, përdorimi i mjetit, qarku i regjistrimit të mjetit si dhe vjetërsia e makinës. Moshat e reja, eksperienca e ulët apo makina e vjetër konsiderohen të gjithë rreziqe që shtrenjtojnë siguracionin.

Sipas rregullores në përllogaritjen e primit të sigurimit përveç historikut të aksidenteve do të merret në konsideratë edhe Fuqia motorike, mosha e shoferit, eksperienca e tij në drejtimin e makinës, përdorimi i mjetit, qarku i regjistrimit të mjetit si dhe vjetërsia e makinës.

Sistemi “bonus malus”, i cili përcakton çmimin e siguracionit të automjetit në bazë të historikut të numrit të aksidenteve është në fuqi prej 1  korrikut të 2021-shit, por nuk zbatohet. Lënia në dorën e kompanive të sigurimit, pas ndonjë masë detyruese e kishte bërë atë të pazbatueshëm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern