LIGJET E BIZNESIT
Start Up Albania ka bërë një publikim në rrjetet sociale, ku evidenton kriteret kryesore që investitorët po kërkojnë në vitin 2026, në një kohë kur tregu po bëhet gjithnjë e më selektiv ndaj startup-eve. Sipas këtij publikimi, fokusi është zhvendosur nga idetë teorike drejt vlerës reale dhe produkteve që arrijnë të funksionojnë dhe të pozicionohen në treg.
Një nga pikat kryesore lidhet me përputhjen mes produktit dhe tregut. Investitorët kërkojnë zgjidhje konkrete për probleme reale, të ndërtuara mbi një kërkesë të verifikuar dhe një treg të validuar, që garanton potencial rritjeje dhe qëndrueshmëri afatgjatë.
Po aq e rëndësishme është edhe performanca e matshme e startup-eve. Përdorues aktivë, klientë që paguajnë dhe rritje e qëndrueshme janë treguesit që dëshmojnë nëse një biznes është në rrugën e duhur dhe nëse mund të justifikojë interesin e investitorëve.
Në publikimin e saj, Start Up Albania thekson edhe rëndësinë e teknologjisë dhe inovacionit real. Inteligjenca artificiale, automatizimi dhe vendimmarrja e bazuar në të dhëna vlerësohen vetëm kur përdoren si mjete funksionale që përmirësojnë eficiencën, optimizojnë kostot dhe krijojnë avantazh konkurrues, dhe jo thjesht si terma trendi.
Një tjetër aspekt që po fiton peshë është qëndrueshmëria dhe ndikimi social e mjedisor. Investitorët po tregojnë interes gjithnjë e më të madh për startupe që integrojnë parimet e zhvillimit të qëndrueshëm dhe që ndërtojnë modele biznesi me ndikim pozitiv afatgjatë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në fund, thelbësore mbeten transparenca dhe cilësia e të dhënave. Raportimi i qartë, treguesit e matshëm të performancës dhe komunikimi i hapur konsiderohen elementë kyç për ndërtimin e besimit mes startup-eve dhe investitorëve, si dhe për sigurimin e financimeve në një treg gjithnjë e më konkurrues./Tv Scan
