LIGJET E BIZNESIT
Emigrantët kanë sjellë më shumë para në atdhe, por familjet e tyre po përfitojnë më pak. Shkak është bërë zhvlerësimi i fortë i euros. Monedha europiane ka zbritur në minimumet historike nën 97 lekë, duke bërë që të afërmit e emigrantëve të humbasin tek kursi i këmbimit.
Sipas të dhënave të Bankës së Shqipërisë, në 9 muaj e parë të këtij viti, të ardhurat nga emigrantët arritën në 817 milionë euro, një rritje me 5.9% krahasuar me të njëjtën periudhë të një viti më parë.
Por të afërmit e emigrantëve kanë përfituar më pak në momentin që kanë shkuar në agjencinë e këmbimit për t’i këmbyer. Humbjet pritet të thellohen me afrimin e festive të fundvitit, pasi për shkak të kthimit të emigrantëve për festat e fundvitit, euro parashikohet të bjerë edhe më shumë.
