Nga pronat bujqësore tek rikthimi i “Kinostudio”, ja vendimet që ka marrë qeveria

Agjencia për Mediat dhe Informim ka publikuar vendimet e miratura në mbledhjen e Këshillit të Ministrave. Sipas njoftimit qeveria ka vendosur:

1. Miratimi i Planit të Veprimit të Agjendës Digjitale për Arsimin 2025–2030

• U miratua plani kombëtar për transformimin digjital të arsimit për periudhën 2025–2030.
• Plani përfshin standardet për arritjen e kompetencës digjitale për nxënësit dhe mësuesit.
• Zbatimi i planit i ngarkohet Ministrisë së Arsimit dhe institucioneve të tjera përgjegjëse.

2 . Miratimi i fondit 25 milionë lekë për Fondacionin “Kinostudio”

• U akordua një fond prej 25,000,000 lekësh për mbështetjen e veprimtarisë së fondacionit “Kinostudio”.
• Fondacioni duhet të paraqesë planin e shpenzimeve dhe të raportojë çdo 4 muaj për ecurinë e projekteve.

3. Shtesa në listën e pajisjeve sportive që përjashtohen nga detyrimet doganore dhe TVSH

• U shtua një gamë e gjerë pajisjesh të reja sportive që përfitojnë përjashtim nga detyrimet doganore.
• Përfshihen pajisje për futboll, tenis, sporte dimërore, shah, ping-pong, arte marciale mikse, padel, dhe hark.

4. Emërimi i Drejtorit të ri të Agjencisë Kombëtare të Bregdetit

• Xheni Beqaj emërohet Drejtor i Përgjithshëm i Agjencisë Kombëtare të Bregdetit.

5. Përcaktimi i kritereve për Medaljen e Shërbimit Ushtarak

• U miratuan kriteret zyrtare për dhënien e medaljeve të shërbimit ushtarak (ari, argjend, bronz).
• Kriteret lidhen me:
• përkushtimin dhe përgjegjësinë në detyrë;
• mungesën e masave disiplinore;
• vitet e shërbimit (5, 15, 20+ vjet).
• Parashikohet përjashtim në raste të kontributeve të jashtëzakonshme.

6. Ndryshime në inventarin e pronave shtetërore të Ministrisë së Bujqësisë

• Ndryshohen përmasat e dy pronave të kaluara në administrim të Ministrisë së Bujqësisë (numrat rendorë 27 dhe 78), sipas dokumenteve të reja teknike.

7. U miratua vendimi për ngritjen e ekipit të përgjigjes ndaj emergjencave dhe krizës së Sigurisë Kibernetike.

• Pranë Autoritetit Kombëtar për Sigurinë Kibernetike ngrihet dhe funksionon Ekipi i Përgjigjes ndaj Emergjencave dhe Krizës së Sigurisë Kibernetike (në vijim, CERT), i cili është një strukturë ad hoc, rast pas rasti, përgjegjëse për trajtimin në kohë dhe me eficiencë të emergjencave dhe të krizës së sigurisë kibernetike në Republikën e Shqipërisë.

8. Lirim dhe emërim në detyrë në Ministrinë e Arsimit

• Orjana Osmani lirohet nga detyra e zëvendësministres së Arsimit dhe Sportit.
• E njëjta emërohet zëvendësministre e Arsimit (ndryshim portofoli).