LIGJET E BIZNESIT
Ministrja e Ekonomisë dhe Inovacionit, Delina Ibrahimaj, mori pjesë në tryezën e nivelit të lartë të “Smart Specialisation processes in the Ëestern Balkans: key achievements and experiences”, që po zhvillohet në Bruksel me pjesëmarrjen e Komisionit Europian dhe ministrave nga vendet e Ballkanit Perëndimor, ku prezantoi arritjet kryesore dhe drejtimet strategjike të këtij procesi në Shqipëri, i cili është thelbësor për afrimin me tregun unik europian.
Ministrja theksoi, se “Smart Specialization processes” është një reformë kombëtare e bazuar në të dhëna dhe e konsultuar me akademikë, biznesin, institucionet dhe shoqërinë civile, ku janë identifikuar sektorët që vendi ynë ka avantazhe konkurruese, si turizmin e qëndrueshëm, përpunimin ushqimor dhe bujqësinë organike, teknologjinë dhe shërbimet ICT, si dhe përpunimin e lëndëve të para.
Në fjalën e saj ministrja Ibrahimaj, theksoi se Shqipëria tashmë është plotësisht i përafruar me orientimet europiane, ku 75% e investimeve fokusohen në tranzicionin e gjelbër dhe atë digjital. “Shqipëria po avancon me projekte konkrete si platforma albaniantrails.al, Sistemi i Unifikuar i të Dhënave të Turizmit, modernizimi i laboratorëve kërkimorë, zhvillimi i agrovoltaikës, bujqësisë së qëndrueshme dhe mbështetja e ekosistemit inovator përmes parkut teknologjik Durana Tech Park dhe sistemit kombëtar të kërkimit ACRIS”, tha Ibrahimaj.
Gjatë këtij takimi u theksua gjithashtu dimensioni i fortë rajonal i S3, ku konsultimet me Kosovën, Maqedoninë e Veriut dhe Malin e Zi kanë identifikuar fusha konkrete bashkëpunimi në ICT, agro-ushqim, energji dhe turizëm të integruar.
Strategjia shqiptare mbështetet nga një Plan Veprimi prej 1.2 miliardë euro, i financuar nga buxheti i shtetit dhe programet IPA III, Horizon Europe, Digital Europe, IPARD dhe ËBIF, duke e kthyer “ Smart Specialisation processes” në një reformë të financuar dhe të zbatueshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ministrja Ibrahimaj në fjalën e saj rikonfirmoi angazhimin e qeverisë shqiptare për avancimin e “Smart Specialisation processes” si një instrument kyç për rritjen e konkurrueshmërisë, integrimin në zinxhirët e vlerës të BE-së dhe forcimin e bashkëpunimit rajonal në Ballkanin Perëndimor.
