LIGJET E BIZNESIT
Ky vit ka qenë i vështirë për prodhimin vendas dhe eksportet shqiptare. Zhvlerësimi i euros, por edhe rritja e kostove, përfshi ato të fuqisë punëtore janë faktorët kryesorë që kanë ndikuar. Sipas të dhënave të fundit të Institutit të Statistikave, në 9 mujorin e këtij viti, eksportet e mallrave arritën vlerën 260 miliardë lekëve, duke u ulur me 7.9 % kundrejt të njëjtës periudhë të një viti më parë. Ndërsa në shtator, eksportet e mallrave arritën vlerën 27 miliardë lekëve, duke u ulur me 10.7 %, në krahasim me të njëjtën periudhë të një viti më parë dhe duke u rritur me 34.6 %, në krahasim me gushtin 2025.
Përsa i përket importeve, rënia ka qenë më e ngadaltë. Për periudhën 9 mujore të këtij viti, importet e mallrave arritën vlerën 657 miliaardë lekë, duke u ulur me 1.3 %, krahasuar me një vit më parë. Ndërsa në shtator, importet e mallrave arritën vlerën 75 miliardë lekë, duke u rritur me 5.6 %, në krahasim me një vit më parë dhe me 11.8 %, në krahasim me gushtin 2025.
Një ecuri e tillë në shkëmbimin e mallrave ka përkeqësuar situatën e vendit tonë në tregtinë e jashtme. Sipas INSTAT-it, në 9 mujorin e këtij viti, deficiti tregtar arriti vlerën 397 miliardë lekë, duke u rritur me 3.6 %, krahasuar me të njëjtën periudhë të vitit të kaluar.
Kontributi i grupeve kryesore në ndryshimin vjetor të eksporteve:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjatë muajit Shtator 2025, në uljen e eksporteve prej 10,7 %, negativisht kanë ndikuar grupet: “Materiale ndërtimi dhe metale” me -8,4 pikë përqindje dhe “Minerale, lëndë djegëse, energji elektrike” me -2,4 pikë përqindje. Pozitivisht kanë ndikuar grupet: “Tekstile dhe këpucë” me +1,4 pikë përqindje dhe “Ushqime, pije, duhan” me +0,2 pikë përqindje, etj.
Eksportet, gjatë këtij nëntëmujori janë ulur me 7,9 %, krahasuar me një vit më parë. Grupet që kanë ndikuar në uljen vjetore të eksporteve, janë: “Materiale ndërtimi dhe metale” me -6,6 pikë përqindje, “Minerale, lëndë djegëse dhe energji elektrike” me -1,2 pikë përqindje, etj. Ndërsa pozitivisht kanë ndikuar grupet: “Ushqime, pije, duhan” me +1,0 pikë përqindje dhe “Makineri, pajisje dhe pjesë këmbimi” me +0,5 pikë përqindje.
