LIGJET E BIZNESIT
Në mbledhjen e tij të parë, grupi parlamentar i Partisë Socialiste, nën drejtimin e kryeministrit Edi Rama ka përcaktuar drejtuesit e komisioneve parlamentare. Ashtu siç u paralajmërua edhe në Asamblenë e PS, mazhoranca do të drejtojë 7 komisione, ndërsa opozita katër.
Tre nga komisionet e përhershme do të drejtohen nga ish-ministrat e qeverisë “Rama 3”. Konkretisht, ish-ministri i Drejtësisë, Ulsi Manja do të drejtojë Komisionin parlamentar për Çështjet Ligjore dhe Administratën Publike, ish-ministrja e Bujqësisë, Anila Denaj, Komisionin Burimet Natyrore, Infrastrukturën dhe Zhvillimin e Qëndrueshëm dhe ish-ministri për Evropën dhe Punët e Jashtme, Igli Hasani do të drejtojë komisionin me të njëjtin emër.
Ndërkaq, janë caktuar edhe dy drejtuesit Damian Gjiknuri do të jetë në krye të komisionit të posaçëm për reformën zgjedhore dhe Arbjan Mazniku në komisionin e posaçëm për reformën territoriale.
Nga ana tjetër, Partia Demokratike ende nuk i ka propozuar drejtuesit e komisioneve të përhershme parlamentare. Opozita pritet të drejtojë katër komisione që janë: Edukimi, Shkenca dhe Sportet, Shëndetësia dhe Mirëqenia Sociale, të Drejtat e Njeriut dhe Mjetet e Informimit Publik, si dhe komisionin për Kulturën, Turizmin dhe Diasporën.
Pritet që nesër të nisë konturimi i Kuvendit të ri, ku në seancën e paradites do të konstituohet struktura e re dhe organet kryesore të Kuvendit. Ndërsa, në seancën e pasdites, pritet votimi i strukturës së re pas propozimit të PS për ndryshimin e numrit të komisioneve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Të enjten dhe të premten do të zhvillohet një seancë dyditore ku do të prezantohet programi politik i qeverisë së re, që do të vijojë më diskutime nga ana e deputetëve.
Pritet që Presidenti i Republikës të dekretojë ministrat e qeverisë “Rama 4”, të cilët më pas do të betohen në Presidencë.
