LIGJET E BIZNESIT
Edhe pse numri I turistëve ka shënuar rritje kundrejt një viti më parë, ecuria ëhstë shumë larg pritshmërive për ecurinë e këtij sektori. Të dhënat e fundit të Institutit të Statistikave tregojnë se gjatë periudhës janar-gusht të këtij viti, numri i të huajve që kanë hyrë në vendin tonë ka qenë mbi 8.9 milionë, me rritje 5.2% kundrejt një viti më parë. Ndërkohë që qeveria kishte parashikiar në fillim të 2025-ës, që numri i turistëve do të rritej me 15%. Kjo do të thotë gati 3 fish më pak se planifikimi.
Pas tre viteve të suksesshëm, turizmi shfaqi shenja ngadalësimi në normat e rritjes këtë vit. Arsyet ishin të shumta, por kryesorja u vlerësuar rritja e çmimeve. Turistët u ankuan për shtrenjtimin e gjithckaje, nga akomodimi e deri tek ushqimi, një fakt që u pranua në fund edhe nga kryeministri Rama, që ka paralajmëruar masa vitin e ardhshëm për bizneset që operatojnë në sektorin turistik.
