Debati me Goxhen për shpellën e Odisesë, Auron Tare nxjerr një tjetër fakt për projektin e ministrisë

Studiuesi Auron Tare ka zbuluar të tjera fakte lidhur me debatin mbi çështjen e Shpellës së Spilës në Himarë, të publikuara nga ministri Blendi Goxhe dhe që sipas Tares, janë imazhe të marra nga një shpellë në Kinë dhe jo projekt i ministrisë.

Nëpërmjet një postimi në facebook, Tare thekson se një nga zyrtarët e përfshirë në projekt ka dhënë më shumë detaje, përfshirë atë të idesë së vendosjes së një ciklopi prej tullumbace, të ndriçuar nga brenda, në funksion të një interpretimi historik të legjendës së Odisesë dhe Ciklopit.

Postimi i plotë i Auron Tares:

Ndoshta për shkak të debatit mediatik mbi çështjen e Shpellës së Spilës në Himarë, dje më erdhi një mesazh nga një prej punonjësve zyrtarë që janë përfshirë në këtë projekt. Ai argumentonte se, në fakt, ky projekt ishte përgatitur nga një OJF me emrin CHëB Albania dhe i miratuar nga MEKI. Për këtë më dërgoi si projekt-propozimin me 6 fletë, si edhe vendimin e MEKI-t për miratimin e konceptit.

Ndërkohë, pashë edhe postimin e kësaj OJF-je (e njëjta e përfshirë në projektin e Burgut të Spaçit), ku thuhet se ky projekt mbështetet edhe nga Banka Botërore. Ndoshta Banka Botërore duhet të sqarojë pozicionin e saj, por gjithsesi e pyeta personin nëse në projekt është menduar një interpretim historik i legjendës së Odisesë dhe Ciklopit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Më tha: “Kemi menduar të vendosim një Ciklop prej tullumbace, të ndriçuar nga brenda.”