3 mld lekë për fermerët, qeveria miraton garancinë sovrane për bujqësinë

Qeveria vë në dispozicion të fermerëve dhe blegtorëve garancinë sovrane me vlerë 3 miliardë lekë. Fondi është miratuar në mbledhjen e Këshillit të Ministrave. VKM thekson se skema e veçantë e garancisë shtetërore të huasë do të lëshohet në favor të bankave tregtare të nivelit të dytë, të cilat do të financojnë edhe të gjithë ata që merren me bujqësi dhe që kanë nevojë për kredi.

Vendimi i qeverisë autorizon ministri e Financave për nënshkrimin e marrëveshjes së garancisë me bankat tregtare të nivelit të dytë. Ndërkohë që ngarkohen Agjencia për Menaxhimin e Garancive dhe Kredive të Pakthyera dhe Agjencia për Zhvillim Bujqësor dhe Rural për ndjekjen dhe administrimin e kësaj skeme garancie. Ndërsa Ministria e Financave dhe Ministria e Bujqësisë dhe Zhvillimit Rural janë përgjegjëse për ndjekjen e procedurave të nevojshme për zbatimin e këtij vendimi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern