LIGJET E BIZNESIT
Prodhuesit e veshjeve dhe këpucëve shohin një mundëstë i shumë të mirë të zhvillimit të industrisë së tyre pas vendimit të NATO-s për të rritur në 5% të Produktit të Brendshëm Bruto të fondeve për mbrojtjen. Sipas tyre, do të rritet interesi për prodhimin e veshjeve dhe këpucëve me destinacion ushtrinë dhe kjo mundësi, duhet shfrytëzuar nga përfaqësuesit e industrisë fason në Shqipëri.
“Një mundësi strategjike për sektorin e manifakturës shqiptare. Kohët e fundit, si pasojë e zhvillimeve gjeopolitike dhe objektivit të shteteve anëtare të NATO për të investuar rreth 5% të GDP-së në mbrojtje, është rritur ndjeshëm interesi për prodhimin e artikujve ushtarakë (veshje dhe këpucë) në Shqipëri. Kjo është një mundësi pozitive për sektorin tonë, falë përvojës së krijuar ndër vite, afërsisë me tregjet europiane dhe kapacitetit të lartë prodhues”, shprehet Florian Zekja, një nga drejtuesit e Pro Export Albania.
Sipas tij, nevojitet ndihma e qeverisë që të lidhen kontratat më të favorshme në këtë drejtim.
“Me një strategji të mirëfilltë dhe bashkëpunim me qeverinë, Shqipëria mund të shndërrohet në një pol rajonal për prodhimin e artikujve ushtarakë. Në të njëjtën kohë, kjo do i jepte mundësi industrisë së manifakturës të lidhë kontrata të reja, më të favorshme, dhe të zbusë sadopak ndikimin e kursit të pafavorshëm të këmbimit”, argumenton Zekja.
