Tender emergjent për riparimin e rrugës Vorë- Ura e Dajlanit, ja sa është shuma

Qeveria ka shpallur një tender emergjent me vlerë 77 milionë lekë ose rreth 770 mijë euro për riparimin e këtij segmenti. Ndërhyrja do të përqendrohet mes Vorës dhe Urës së Dajlanit, aty ku dëmtimet janë më të theksuara dhe trafiku më problematik.

“Këto zona janë tipike në drejtimin Vorë – Ura e Dajlanit (Pika 0 në dalje të mbikalimit të Vorës, Karburant Elda, Hyrje dalje Gjiri i Lalzit, Bistro Sukth, Mbikalimi i Shkozetit, Karburant Kastrati dalje Durrës). Në pesë – gjashtë raste ka dëmtime edhe korsia e shpejtësisë. Kurse në drejtimin Ura e Dajlanit – Vorë dëmtimet janë në sipërfaqe më të mëdha”, njofton Autoriteti Rrugor Shqiptar.

Sipas njoftimit zyrtar të këtij institucioni, ndërhyrja e parashikuar përfshin skarifikimin e të gjithë shtresës ekzistuese të tapetit, binderit dhe konglomeratit të dëmtuar.

Ndërhyrja parashikon skarifikimin e të gjithë shtresës së tapetit, shtresën e binderit dhe të konglomeratit të dëmtuar. 3 Pas skarifikimit do të vazhdohet me profilimin e shtresës së konglomeratit, binderit me trashësi 6cm dhe asfaltimin e shtresës së tapetit me trashësi 4cm. Më tej sinjalistika horizontale e vijëzimit gjatësor me gjerësi 15cm dhe 25cm shenjave të trafikut do të bëhet me bojë bikomponente sprajt.

Emergjenca është shpallur, ndonëse në pikun e sezonit turistik veror. Tani mbetet për t’u parë nëse zgjidhja do të jetë po aq “urgjente” sa titulli i tenderit.