Sigurimi i banesave nga tërmetet, qeveria sjell një version të ri të ligjit

Qeveria i është rikthyer cësthjes së sigurimit të banesave nga tërmetet. Për konsultim publik është hedhur një version i ri i projektligjit “Për sigurimin e detyrueshëm të banesave nga tërmetet”. Pikat kryesore të këtij projektligji përfshijnë sigurimin e detyrueshëm për çdo pronar banese, përfshihen banesat sociale me qira dhe pronat në proces legalizimi, ndërsa përjashtohen ndërtesat me materiale të dobëta.

“Sigurimi i detyrueshëm: Çdo pronar banese (për përdorim banimi ose tjetër), i cili duhet të lidhë një policë vjetore që mbulon dëmet strukturore nga tërmetet.

Subjekte të përfshira: Përfshihen edhe banesat sociale me qira dhe pronat në proces legalizimi. Përjashtohen ndërtesat me materiale të dobëta (qerpiç, druri, të përkohshme) 

Shërbimi i policës: Qëllimi është arkëtimi dhe pagesa e dëmeve të shkaktuara nga tërmetet në mënyrë efektive dhe të shpejtë”, thuhet në versionin e ri të projektligjit.

Sipas Ministrisë së Financave hartimi i këtij projektligji mbështetet në përvojat e suksesshme të disa vendeve dhe ka si qëllim zvogëlimin e ndikimeve financiare, fiskale dhe ekonomike që mund të shkaktojnë fatkeqësitë natyrore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ministria e Financave fton të gjitha palët e interesuara, që të marrin pjesë aktivisht me komentet e tyre, brenda një periudhe 1 mujore.

https://konsultimipublik.gov.al/documents/RENJK_851_Projektligji-P-r-sigurimin-e-detyruesh-m-t–banesave-nga-t-rmetet-FINAL-dat–23.7.2025.docx