LIGJET E BIZNESIT
nteligjenca Artificiale është duke u përdorur masivisht kudo në botë, falë përfitimeve të saj dhe mundësisë që u jep njerëzve për të lehtësuar punët, detyrat, si dhe krijimin e dokumenteve të ndryshme. Sigurisht, përdorimit të kësaj platforme të re teknologjike nuk i kanë shpëtuar as shqiptarët.
Këto të dhëna vijnë nga Statcounter, duke sjellë informacion për përdorimin e chatbot-ëve në Shqipëri gjatë qershorit të vitit 2025.
Por në cilat aplikacione përdoret më së shumti inteligjenca artificiale? Kryesimin e mban ChatGPT, duke sjellë edhe një përdorim më të shpejtë për shkak të lehtësive që ofron, si përgjigjet e menjëhershme dhe zëvendësimi i motorëve tradicionalë të kërkimit. Inteligjenca artificiale e ofruar nga ChatGPT zë rreth 93.13% të përdoruesve shqiptarë. Ky përdorim i avancuar vjen si pasojë e thjeshtësisë në përdorim dhe funksionalitetit të përparuar. Me përjashtim të disa luhatjeve të vogla mes prillit dhe qershorit 2025, ChatGPT ka qëndruar vazhdimisht mbi 90% të përdorimit në Shqipëri.
Përveç ChatGPT, në tregun shqiptar kanë filluar të shfaqen edhe disa alternativa të tjera të chatbot-ëve, megjithëse me përqindje shumë më të vogla të përdorimit.
Microsoft Copilot mban vendin e dytë me 3.01%, duke u përdorur kryesisht nga profesionistët që janë pjesë e ekosistemit të Microsoft 365, i cili përdoret shpesh për të krijuar dokumente më profesionale dhe interesante.
Perplexity, një motor kërkimi me ndërfaqe bisedore, ka arritur 1.45% dhe po fiton vëmendje për përgjigjet e shpejta dhe të sakta.
Google Gemini, pavarësisht fuqisë së gjigantit Google, është aktualisht në vetëm 1.2% pjesërisht për shkak të mbështetjes së kufizuar gjuhësore dhe lokalizimit.
Claude dhe DeepSeek, dy platforma më të reja në këtë treg, kanë hyrë më vonë dhe mbeten me një prani minimale në Shqipëri (nën 1%), por janë interesante për segmentet më teknike që kërkojnë eksperienca më të avancuara në fushën e AI-së.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kjo shumëllojshmëri tregon se, ndonëse ChatGPT dominon, tregu shqiptar po zgjerohet ngadalë me opsione alternative, të cilat mund të fitojnë më shumë terren në të ardhmen./TV Scan
