Shtohen makinat në rrugë, gati gjysma e tyre të vjetra

Rritet numri i automjeteve në qarkullim. Të dhënat e fundit të Institutit të Statistikave tregojnë se në vitin 2024, numri i mjeteve rrugore të regjistruara (me status aktiv ose të çregjistruara përkohësisht) arriti në 959.226 mjete, duke shënuar një rritje me 10,5%, krahasuar me vitin 2023. Autoveturat përbëjnë 80,8% të mjeteve gjithsej. Numri i autoveturave për 1.000 banorë u rrit në 328 (nga 292 në vitin 2023).

Mjetet sipas qarqeve

Qarku i Tiranës ka numrin më të madh të mjeteve rrugore me 34,8%, i ndjekur nga Durrësi dhe Fieri. Durrësi ka numrin më të lartë të autoveturave për 1.000 banorë (483). Karakteristikat teknike të mjeteve 58,8% e mjeteve kanë kambio manuale.

Rritje e ndjeshme e mjeteve të prodhuara pas vitit 2011 me 44,4%. 47,9% e autoveturave kanë moshë mes 11-20 vjet. Markat më të përhapura Volksëagen dhe Mercedes-Benz mbeten markat më të përdorura të autoveturave. Lënda djegëse dhe elektrifikimi 72,9% e autoveturave përdorin naftë, ndërsa përdorimi i autoveturave elektrike është rritur me 2 herë, krahasuar me vitin 2023.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern