LIGJET E BIZNESIT
Kreu i Ballit Kombëtar Demokrat, njëherazi ish drejtor i Përgjithshëm i Institutit të Ndërtimit, Artur Roshi, ka kritikuar ashpër Reformën Territoriale, duke e cilësuar atë si një veprim propagandistik pa përmbajtje reale.
I ftuar në A2CNN, Roshi tha se mungon një vizion urbanistik dhe zhvillimor që ndihmon ekonominë e vendit. Ai solli si shembull prishjet në Theth, ku sipas Roshit, ndërhyrjet e qeverisë ishin të pabazuara në plane urbanistike dhe kishin si qëllim favorizimin e oligarkëve. “Nëse s’ka plan, pse prishen ndërtime të ndërtuara me djersë?”, u shpreh ai.
Artur Roshi: Reformën e Territorit e kam parë thjesht në kuadër të një propagande, nuk ka ndonjë gjë thelbësore që të thuas se është një reformë territoriale që vlen. Për shembull, kush janë ato që mund të fillojnë e të jenë reforma serioze territoriale. Një kryeministër nuk e sheh urbanistike që pastron rrugët dhe vetëm kaq.
Duhet ta shikojë në konceptin e investimit, infrastrukturës për të ndihmuar ekonominë.
Konkretisht: Le të marrim Thethin që bëri ato prishjet. Pyetja është shumë e thjeshtë: A i duhet ndonjë njeriu që jeton atje, në Theth, shteti? Për çfarë i duhet? Për asgjë…
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Atëherë, pse Rama i prishi këto ndërtime që ata i kishin bërë me mund e me djersë, pavarësisht se në mirëbesim gati-gati i bënë. Por ku është arsyeja?
Edhe të supozojmë që i bënë në mënyrë të paligjshme e flagrante. A kishte një plan ubranistik që iu prish? Jo. Të gjithë e dimë që nuk kishte asnjë plan urbanistik. Por kush është ideja? Ideja është që të çojë një oligark atje dhe të bëjë investime.
