Shoferët, shkaktarët kryesorë të aksidenteve. Ndodhin kryesisht në fundjavë

Pjesa e dërrmuese e aksidentëve në Shqipëri kanë si shkaktarë drejtuesit e mjeteve, të cilët janë kryesisht të rinj. Sipas të dhënave të Institutit të Statistikave, deri në maj të këtij viti, aksidentet rrugore, në 84,5 % të rasteve, kanë ndodhur si pasojë e sjelljes së drejtuesit të mjetit. “Numri më i lartë i aksidenteve, në këtë periudhë, është kryer nga grup-moshat 0-24 vjeç, duke zënë 25,0 % të numrit të aksidenteve gjithsej”, vlerëson INSTAT.

Të dhënat e detajuara tregojnë se në maj të këtij viti, numri më i lartë i aksidenteve rrugore ka ndodhur përgjatë ditës së premte me 17.2 %, ndërsa numri më i ulët i aksidenteve ka ndodhur përgjatë ditës së martë dhe të dielë, me nga 12.1 % secila.

Numri më i lartë i aksidenteve rrugore ka ndodhur përgjatë harkut kohor 08:00 – 12:00, duke zënë 30.2 % të numrit të aksidenteve rrugore gjithsej.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern