Paralajmërimet e Ramës, cfarë do të ndodhë me territorin dhe ujin e pijshëm?

Nga Aurora Sulce, Producente Ekzekutive për Biznesin në A2 CNN

Kryeministri Rama ka bërë për ujë të ftohtë kryetarët e bashkive, në takimin e zhvilluar sot në Durrës. Kërkoi prej tyre punë dhe shërbime për qytetarët. Teksa paralajmëroi reformat që do të ndermeren për të ndryshuar rrënjësisht situatën, në funksion edhe të integrimit në Bashkimin Europian deri në vitin 2030. Por cilat janë këto reforma?

Qeveria paralajmëron reform për kontrollin dhe zhvillimin e territorit; shërbimin me ujë të pijshëm; sistemin e pastrimit dhe përpunimit të mbetjeve; furnizimi me naftë e me barna; si dhe për shërbimin spitalor.

Por si do të bëhet kontrolli mbi territorin?

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kryeministri dha disa detaje nga reforma që do të ndërmerret. Do të përdoret kontrolli teknologjik me satelitë, drone dhe një strukturë të dedikuar për të evidentuar ndërtimet e paligjshme. Do të përshpejtohet procesi i legalizimeve; si dhe do të vendosen kamera dhe GPS në kantieret e ndërtimit.

Ndërkaq në pjesën më të madhe të territorit ka nisur aksioni për pastrimin e hapësirave të zëna nga ndërtimet pa leje, por jo vetëm, edhe nga bizneset.

Aksioni është përqëndruar më shumë në Tiranë, që prej 6 korrikut në Vlorë; në Theth e në Durrës.