Pranvera Kastrati emërohet në krye të Sekretariatit të CEFTA-s. Ja reagimi i Ramës

Pranvera Kastrati është emëruar Drejtoreshë e Sekretariatit të CEFTA-s. Në një postim në Facebook, kryeministri Rama e cilëson emërimin e shqiptares në këtë post si një moment krenarie. 

“Një moment krenarie për të gjithë, emërimi i shqiptares Pranvera Kastrati, në postin e rëndësishëm të Drejtoreshës së re të Sekretariatit të CEFTA-s (Marrëveshja për Tregti të Lirë në Europën Qendrore)
Tashmë një përfaqësuese e Shqipërisë do të punojë në mënyrë efektive me të gjitha palët për zbatimin e Marrëveshjes së CEFTA-s dhe përmbushjen e angazhimeve të përbashkëta drejt integrimit ekonomik të Ballkanit Perëndimor dhe përshpejtimit të integrimit me Tregun e Vetëm të BE-së”, shkruan Rama.