Euro shënon minimumin e ri historik. Ja sa ka zbritur monedha europiane

Shtimi i turistëe të huaj ka rritur sasinë e euros në qarkullim, duke ushtruar presion në uljen e mëtejshme të vlerës së saj. Kjo javë është mbyllur me një monedhë europiane që ka shënuar një minimum të ri historik, duke u shkëmbyer me 97.6 lekë. Në rënie janë edhe valutat e tjera, ku dollari ka zbritur në 83.8 lekë.

Zhvlerësimi i valutave dhe kryesisht euros pritet të vijojë deri në përfundim të sezonit veror, atëherë kur pritet të pakësohen edhe flukset valutore nga turisët dhe emigrantët që kthehen në atdhe për pushime.