LIGJET E BIZNESIT
Tatimorët pritet të zbarkojnë sot në terren për të kontrolluar tregtarët e bylmetit dhe produkteve bujqësore e blegtorale nëse lëshojnë faturë apo jo. Kjo pas ultimatumit të lëshuar dy ditë më parë nga kryeministri Edi Rama. Kreu i qeverisë paralajmëroi të gjithë tregtarët që shesin prodhime bulmeti, qumësht dhe mish pa faturë, se duke nisur nga kjo javë, këto produkte do të sekuestrohen.
Rama thekson se produktet e bulmetit apo mishit pa faturë përbëjnë një kërcënim direkt të shëndetit sidomos me temperaturat e larta dhe subjektet tregtuese do të gjobiten skajshëm.
Postimi i kryeministrit Ramës:
STOP qumështit, mishit dhe prodhimeve të bulmetit pa faturë.
Nga java e ardhshme çdo prodhim i tillë do të sekuestrohet, sepse përbën një kërcënim direkt të shëndetit sidomos me temperaturat e larta dhe subjektet tregtuese do të gjobiten skajshëm.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Siguria ushqimore dhe formalizimi i të gjithë zinxhirit tregtar nga ferma në tryezë është një domosdoshmëri, e cila nuk pret më për një vend që synon të ulet në tryezën e Bashkimit Europian deri në fund të kësaj dekade.
Ministrja e Bujqësisë dhe Zhvillimit Rural Anila Denaj dhe Ministri i Financave Petrit Malaj në takime ndërgjegjësuese me biznesin, për të garantuar mbrojtjen e konsumatorit dhe gjurmimin e plotë të dokumentacionit fiskal, të produkteve blegtorale por jo vetëm.
