LIGJET E BIZNESIT
Shqipëria përmirëson situatën në tregtinë e jashtme. Të dhënat e fundit të Institutit të Statistikave tregojnë se në pjesën e parë të këtij viti, eksportet e mallrave arritën vlerën 203 miliardë lekë, duke u rritur me 2.1% kundrejt të njëjtës periudhë të një viti më parë.
Ndërkohë importet e mallrave arritën vlerën 431 miliardë lekë, duke u ulur me 2%, krahasuar me një vit më parë. “Deficiti tregtar arriti vlerën 228 miliardë lekë, duke u ulur me 5.4%, krahasuar me të njëjtën periudhë të 2024”, thekson INSTAT.
Kontributi i grupeve kryesore në ndryshimin vjetor të eksporteve
INSTAT konstaton se gjatë pjesës së parë të këtij viti, grupet që kanë ndikuar në rritjen vjetore të eksporteve, janë: “Minerale, lëndë djegëse dhe energji elektrike” me +8.6 pikë përqindje, “Ushqime, pije, duhan” me +1.2 pikë përqindje, etj. Ndërsa negativisht kanë ndikuar grupet: “Materiale ndërtimi dhe metale” me -6.1 pikë përqindje, “Produkte kimike dhe plastike” me -0.6 pikë përqindje, etj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kontributi i grupeve kryesore në ndryshimin vjetor të importeve
Përsa i përket importeve, grupet që kanë ndikuar negativisht në uljen vjetore të tyre janë: “Makineri, pajisje dhe pjesë këmbimi” me -1.8 pikë përqindje, “Materiale ndërtimi dhe metale” me -1 pikë përqindje,etj. Ndërsa pozitivisht kanë ndikuar grupet: “Ushqime, pije, duhan” me +0.5 pikë përqindje, “Minerale, lëndë djegëse, energji elektrike” me +0.4 pikë përqindje dhe “Produkte kimike dhe plastike” me +0.2 pikë përqindje.
Ecuria e tregtisë së mallrave sipas vendeve partnere
Gjatë pjesës së parë të këtij viti, vendet me të cilët Shqipëria ka pasur rritjen më të madhe të eksporteve, në krahasim me një vit më parë, janë: Kosova (72.5 %), Greqia (8.6 %) dhe Gjermania (10.3 %). Ndërsa vendet me të cilat eksportet kanë pasur uljen më të madhe, janë: Italia (10.7 %) dhe Maqedonia e Veriut (29.8 %).
Ndërsa vendet me të cilët Shqipëria ka pasur uljen më të madhe të importeve, në krahasim me një vit më parë, janë: Italia (2.5 %), Turqia (18.3 %) dhe Gjermania (4.7 %). Ndërsa vendet me të cilat importet kanë pasur rritje më të madhe janë: Kina (25.2 %), Greqia (2.4 %) dhe Spanja (9.9 %).
